命運

有個禪師經常同人講「命運」，一個信眾一直堅信「命運」呢樣0野，所以佢每一日都盼望生活會發生奇跡，佢認為既然有命運，一切就交由命運去決定啦。但係一年又一年，佢0既生活都仲係非常平庸，唔精彩唔富裕，只有灰暗同埋貧困。佢就諗：唔通我0既命運註定係咁？
於是佢就走去搵果個禪師，佢問禪師：「你話係咪真係有命運0架呢？」
禪師：「真係有。」
信眾問：「咁我0既命運0係邊度？係咪我0既命運就係咁黯淡同貧窮？」
禪師叫信眾伸隻手出黎，捉住佢隻手就話：「呢條由食指底部伸向掌底0既叫生命線；呢條由掌邊伸向掌中間0既叫頭腦線；打橫呢條就叫感情線．．．．．」
禪師向信眾逐一講解每一條掌紋。
禪師：「你睇清楚同記清楚0的線未？」
信眾：「睇清楚記清楚喇。」
禪師：「咁你而家合埋隻手，握成拳頭，握得實0的。」
信眾照做，將拳頭握得實實的。
禪師：「咁而家你果幾條線0係邊度？」
信眾：「0係我手裡面呀！」
禪師：「咁命運呢？」

信眾恍然大悟。